قصيدة عراق الامجاد ( بقلم عصام الشيوزي )

عراق الامجاد والتراث والناس الطيبين
ناس تسمي اشور وكلدو وسريان وبت نهرين
وناس تلقبه بابل واكد واسود الرافدين
واكو عالم تعرفه بضفاف دجلة والفرات على كل للسان حاضرين
العراق صاحب الامجاد والتراث والحضارة من قبل سنين
اصحوا ياشعب لياوكت تضلون نايمين
ومن قبل كالو يمكن الملوك هي ترضي الشعب المسكين
واجا ملك فاروق وغازي وفيصل واحد واثنين
وبعدها كالو غير الجمهورية متحل ازمد العراق بقياداتها المنتخبين
وفعلا صار عبد الكريم واحمد حسن البكر واخرهم صدام حسين
اصحوا ياشعب لياوكت تضلون نايمين وبعدها شتغلت الطوائف والانفجارات والسلب والقتل والدين
وتراوحت القيادةبين المالكي وعلاوي والصدرين اصحوا ياشعب لياوكت تضلون نايمين
ومن قبل جان الدينار العراقي يساوي دولار واكثر من اثنين
وهسه بهذا وكتنا صار والحمد الله الدولار بالف وميتين
والعراق صاحب الامجاد والتراث والناس الطيبين اصحوا ياشعب لياوكت تضلون نايمين
كلمن اجا وكال استغل الوضع لان هذولة دايخين
واجا وكت وراح وكت وناس بعدها داور ماي وكهرباء وبيوت من طين
وغيرهم صاروا مجادي بشوارع وقسم يبيعون موز وكلينس ومعطر ابو ريحتين
اصحوا يا شعب لياوكت تضلون نايمين
وحديثا صار نصف الشعب العراقي متهجول بدول مختلفة كلهم لاجئين
واكو ناس بعدها تنتظر شوكت تفرج على الباقين
وبعدنا نكول عراق الامجاد والحضارت وبلكتب مكتوبين
ودهور العراق ويمكن راح يتقسم على عدد روئساء واحنا متفرجين اصحوا ياشعب لياوكت تضلون نايمين .

مع تحيات عصام الشوزي

عاشت ايدك اخ عصام على ماكتبته اناملك دائما يكتب او يقول الانسان مايشعر به واضح من سطورك انك تشعر بالالام العراق والعراقيين وتتمنى الخير لكل الناس الرب حامي وحافظ العراق لك التحية والسلام ودمت سالمين....

دائما السباقه والاولى في التصفح على الموقع يا شمعه
مشكور لكي على ردكي الرائع
وسلام المسيح معكي

رائع ما سطرت اخ عصام انت فعلا مبدع وشاعر .. الرب يحرسك

تسلمين لينا هذا من ذوقج الراقي

تسلم ايدك عصام على القصيدة فعلا نابعه من القلب عاشا قلمك
الرب يحفضك ويحميك

» قصيدة (حبي للعراق ) بقلم عصام الشيوزي
» شعر شعبي بعنوان ( الصبر ) بقلم عصام الشيوزي
» اسمعو كم هو بسيط يسوع( بقلم عصام الشيوزي)
» قصيده صغيره ( يسوع الغالي ) بقلم عصام الشيوزي
» شعر شعبي بعنوان ( ايام زمان) بقلم عصام الشيوزي